Periodu d'enteguerres

Periodu d'enteguerres
periodu históricu
Primer Guerra Mundial Periodu d'enteguerres Segunda Guerra Mundial

Conozse como periodu d'enteguerres o interbellum al periodu históricu del sieglu XX que va de 1918 a 1939. Cronológicamente, puede establecese dende'l final de la Primer Guerra Mundial el 11 de payares de 1918 y l'entamu de la Segunda Guerra Mundial el 1 de setiembre de 1939.

Políticamente, esti periodu viose carauterizáu pola crisis de les democracies lliberales, l'ascensu de los fascismos y los rexímenes autoritarios, según la puxanza de los movimientos obreros d'inspiración socialista o comunista que s'inspiraben nel trunfu bolxevique de la Revolución rusa. Económicamente, vio la recuperación de la Gran Guerra y una etapa d'euforia económica mientres los años 20 que se vería atayada pol Crack del 29 y una fonda crisis que marcó los años 30. Tradicionalmente, la historiografía señaló esta dómina como'l preludiu qu'acabaría desaguando na Segunda Guerra Mundial. Por ello años más tarde entraron de nuevu en guerra.